ᐊᐱᕐᓲᑏᑦ ᑭᐅᒍᑏᓪᓗ

1. ᓱᓇᐅᕙᑦ ᖃᓄᐃᒃᑲᑦ ᓯᕿᓂᕐᒥᐅᑦ ᐃᓗᓯᒥ ᖃᐅᔨᓴᕐᓂᖅ ?

2. ᑭᓇᒃᑯᓂᒃ ᐃᓄᖁᑎᖏᓐᓂᑦ ᖃᐅᔨᓴᕈᒪᕕᑕ?

3. ᓱᒐᒥ ᖃᐅᔨᓴᕈᒪᕙᑦ ᐃᓄᐃᑦ ᓯᕿᓂᕐᒥᐅᑦ ᐃᓗᓯᖏᓐᓂᑦ?

4. ᓇᑭᒥᐅᔭᐅᕙᑦ ᓯᕿᓂᕐᒥᐅᑦ ᐃᓄᐃᑦ ᐃᓄᖁᑎᖏᑦ?

5. ᖃᓄᖅ ᐃᓄᐃᑦ ᐃᓚᐅᕙᑦ ᖃᐅᔨᓴᕐᓂᒥ?

 6. ᖃᓄᓪᓗᐊᑎᒌᓂᐊᕐᖃ ᐱᓇᓱᑦᑕᐅᔪᖅ?

7. ᖃᖓᓂ ᐊᑐᐃᓐᓇᕈᕐᑎᖃᑦ ᐱᓇᓱᑦᑕᐅᔪᑦᓴᒥᒃ ᐱᓇᓱᑦᑎᖏᑦ?

8. ᓱᓇᐅᕙᑦ ᐊᑦᔨᒌᖕᖏᑐᑦ ᖃᓄᐃᓗᕈᓯᐅᖃᑦᑕᓂᐊᕐᑐᑦ ᐱᓇᓱᑦᑕᐅᔪᒥ?

9. ᓯᕕᑐᓂᖃᕐᖃᑦ ᐊᐱᕐᓱᑲᑦᑕᓂᖅ ᓯᐅᖄᖃᑎᒌᓐᓂᐅᔪᐃᓗ ᐊᒥᓱᐃᖑᑦᓱᑎᑦ?

10. ᓱᓇᐅᕙᑦ ᐊᐱᕐᓱᑲᑦᑕᕈᓰᑦ ᑕᑯᓐᓇᑕᐅᑎᑦᓯᓂᒃᑯᑐᑦ?

11. ᖃᖓ ᖃᐅᔨᒍᑎᕕᓃᑦ ᐊᑐᐃᓐᓇᐅᓛᕐᖃᑦ?

12. ᖃᓄᖅ ᖃᐅᔨᒪᑎᑕᐅᖃᑦᑕᓛᕐᕿᑕ ᐱᕙᓪᓕᐊᓂᖏᓐᓂᑦ?

13. ᓱᓇᒧᑦ ᐊᑐᕐᑕᐅᓛᕐᖃ ᖃᐅᔨᒍᑎᕕᓃᑦ?

14.  ᓇᓪᓕᖏᓐᓂᑦ ᐅᖃᐅᓯᕐᓂ ᐅᖄᖃᑦᑕᓛᕐᖃᑦ?

15. ᐅᖄᔭᒃᑲ ᓇᐅᓕᒫᓄᑦ ᐅᖃᔭᐅᑎᐅᓂᐊᖕᖏᓚᑦ?

16. ᑭᓇᒃᑯᑦ ᐱᓇᓱᑦᑐᑦ ᑖᑦᓱᒥᖓ ᐱᓇᓱᑦᑕᐅᔪᒥ?

17. ᑭᓇᒃᑯᑦᓴᐳᑦᔨᕙᑦᖃᐅᔨᓴᕐᓂᒥᒃ?

18. ᐃᑲᔪᕐᓯᔭᐅᒍᑎᖃᕐᖄᑦ?

 19. ᐃᓚᐅᒍᒪᒍᒪ, ᐱᓇᓱᖃᑎᐅᒍᒪᒍᒪᑦ, ᐊᐱᕐᓲᑎᑦᓴᖃᕋᒪᓗᓐᓃᑦ, ᖃᓄᐃᓗᕈᓐᓇᖁᖓ?


1. ᓱᓇᐅᕙᑦ ᖃᓄᐃᒃᑲᑦ ᓯᕿᓂᕐᒥᐅᑦ ᐃᓗᓯᒥ ᖃᐅᔨᓴᕐᓂᖅ ?

ᓯᕗᓪᓕᐸᐅᑦᓱᓂ ᐃᓗᓯᖏᓐᓂᑦ ᖃᐅᔨᓴᕐᓂᐅᔪᖅ ᐃᓄᓐᓂᒃ ᑯᐯᒃ ᓯᕿᓂᖓᓂᒥᐅᓂᒃ. ᓯᕗᓕᕐᑕᐅᓱᓂ ᐃᓕᓐᓂᐊᑎᑦᓯᔨᒃ ᐃᓕᓐᓂᐊᕕᕐᔪᐊᖓᓂ ᓚᕚᓪ ᑯᕆᔅᑕᕗ ᕕᓕᑦᓱᒧᑦ, ᒥᓓᓐ ᕆᕙ, ᒥᑭᐊᓪ ᐃᓕᓐᓂᐊᕕᕐᔪᐊᖓᓂ, ᑖᓐᓇ ᐱᓇᓱᑦᑕᐅᔪᖅ ᖃᐅᔨᒐᓱᒍᑎᐅᔪᖅ ᐃᓗᓯᖏᓐᓂ ᖃᓄᐃᖕᖏᓯᐊᕐᓂᒧᓗ ᐊᑑᑎᔭᖏᓐᓂᑦ ᐃᓄᓐᓂᒃ ᐃᓄᐃᑦ ᓄᓇᖏᓐᓂᖏᑦᑐᓂᑦ. ᖃᐅᔨᓴᕈᑎᖃᕐᓗᑕ ᐊᑦᔨᒌᖕᖏᑐᓂᑦ ᖃᐅᔨᓴᕈᓯᕐᓂᑦ, ᑐᑭᓯᒪᒍᑎᑦᓴᓕᐅᕈᒪᕗᒍᑦ ᓄᐃᑦᓯᓗᑕᓗ ᑯᐯᒃ ᓯᕿᓂᖓᓂ ᐃᓄᐃᑦ ᐃᓗᓯᖏᓐᓂ ᖃᓄᐃᖕᖏᓯᐊᕐᓂᖏᓐᓄᓕᖓᔪᓂᓗ, ᑐᖕᖓᕕᖃᕐᓗᑕ ᐃᓄᐃᑦ ᐃᓱᒪᒍᓯᖏᓐᓂᑦ ᐃᓗᓯᕐᒧᓕᖓᔪᓂᒃ, ᑐᑭᓯᒪᒍᑎᓕᐅᕐᓗᑕ ᑐᖕᖓᕕᐅᓂᐊᕐᑐᓂᒃ ᓴᐳᑦᔨᒍᑎᐅᓗᑎᑦ ᓄᐃᑦᓯᒍᑎᐅᓗᑎᑦ ᐱᒍᑦᔨᒍᑎᓂᑦ ᑖᒃᑯᓄᖓᓄᓕᖓᔪᓂᒃ. ᑐᑭᓯᒋᐊᕈᓐᓇᕆᕗᑎᑦ ᓀᓪᓕᑎᕐᓯᒪᔪᓂᑦ ᐃᓗᓕᖏᓐᓂᑦ.

2. ᑭᓇᒃᑯᓂᒃ ᐃᓄᖁᑎᖏᓐᓂᑦ ᖃᐅᔨᓴᕈᒪᕕᑕ?

ᑭᓇᑐᐃᓐᓇᒥ ᐃᓅᓂᕋᕐᑐᒥᒃ ᓄᓇᓯᒪᔪᒥᒃ ᑯᐯᒃ ᓯᕿᓂᖓᓂ, 55 ᐃᑰᑕᖓᑕ ᓯᕿᓂᓂ. ᐃᓚᐅᔪᑦ ᐅᑭᐅᖃᕆᐊᓖᑦ 16ᓂᑦ ᐊᖓᔪᑦᓯᐅᓗᑎᓗᓐᓃᑦ, ᖃᐅᔨᓴᕐᓂᖅ ᐃᓚᐅᑎᑦᓯᓛᕐᑐᖅ ᐃᓄᑐᐃᓐᓇᓕᒫᓂᑦ ᑯᐯᒃ ᓯᕿᓂᖓᓃᑦᑐᓂᑦ.

3. ᓱᒐᒥ ᖃᐅᔨᓴᕈᒪᕙᑦ ᐃᓄᐃᑦ ᓯᕿᓂᕐᒥᐅᑦ ᐃᓗᓯᖏᓐᓂᑦ?

ᖃᐅᔨᒪᔭᐅᓪᓗᐊᖏᑦᑐᑦ ᐃᓗᓯᖏᑦ ᐃᓄᐃᑦ ᓯᕿᓂᕐᒥᐅᑦ, ᖃᐅᔨᓴᕐᓂᖃᓚᐅᕐᓯᒪᖕᖏᒪᑕ ᐅᓪᓗᒥᒧᑦ ᐃᓗᓯᖏᓐᓂᑦ. ᑭᓯᑕᐅᒍᑎᓂ ᐱᑕᖃᓪᓗᐊᖏᓐᓂᑯᖓᓄᑦ ᐱᒍᑦᔨᒍᑎᓂᑦ ᐃᑭᑦᑐᐊᐱᓐᓂᑦ ᓄᐃᑦᓯᓯᒪᕗᑦ ᐱᔭᕆᐊᑐᔪᑦᓱᓂᓗ ᐱᑦᔪᑎᑦᓯᐊᖑᓂᕃᒍᑎᓕᐅᕐᓗᑎᑦ ᐃᑲᔪᕐᓯᒍᑎᓄᓕᖓᔪᓂᑦ ᓄᓇᓕᖓᓄᑦ. ᑌᒫᒃ, ᐃᓱᒪᒋᔭᐅᕗᖅ ᓯᕿᓂᕐᒥᐅᑦ ᐃᓄᐃᑦ ᐃᓗᓯᖏᑦᑕ ᖃᓄᐃᓕᖓᓂᖏᑦ ᐊᑦᔨᐸᓱᒋᔭᐅᒋᐊᖏᓐᓂᑦ ᐅᑭᐅᕐᑕᑐᒥᐅᓄᑦ, ᐃᓗᓯᕐᒧᑦ ᖃᓄᐃᒍᑎᖃᕐᓱᑎᑦ ᐊᒥᓱᓂᓗ ᐅᖁᒣᓪᓕᐅᕈᑎᖃᕐᓱᑎᑦ.

4. ᓇᑭᒥᐅᔭᐅᕙᑦ ᓯᕿᓂᕐᒥᐅᑦ ᐃᓄᐃᑦ ᐃᓄᖁᑎᖏᑦ?

ᑭᓯᓐᓂᕕᓂᕗᑦᑎᒍᑦ ᖃᐅᔨᔭᐅᒪᕗᑦ, ᓯᕿᓂᕐᒥᐅᑦ ᑯᐯᒃᒥ ᐃᓄᐃᑦ ᐅᓄᕐᓂᖃᕆᐊᖏᑦ 2,200ᒐᓚᓐᓂᑦ ᐃᓄᖏᑦ; ᐃᓄᐃᑦ ᓯᑕᒪᓂᑦ ᐃᓄᐃᑦ ᓄᓇᖏᓐᓂ ᐱᓯᒪᑦᓱᑎᑦ ᐃᓄᐃᑦ ᓄᓇᖓᑦ. ᐅᓄᕐᓂᓴᐅᕗᑦ ᒪᓐᑐᕆᐊᓪ ᓄᓇᓕᒻᒪᖓᓂᒥᐅᖑᒋᐊᖏᑦ, ᑭᓯᐊᓂ ᐊᒥᓱᑦ ᐃᓄᐃᑦ ᓄᓇᓯᒪᒻᒥᔪᑦ ᓄᓇᓕᒻᒪᕇᑦ ᓴᓂᖏᓐᓂᑦ ᐅᑯᓇᓂ ᑲᑎᓄ, ᑯᐯᒃ ᓯᑎ ᐊᒻᒪᓗ ᕙᓪᓗᐊ. ᑖᒃᑯᐊ ᐅᖃᕐᓗᒋᑦ, ᐅᓄᕐᓂᖏᑦ ᐃᓄᐃᑦ ᓯᕿᓂᓕᐊᕐᑐᕕᓃᑦ ᐅᓄᕐᓯᕙᓪᓕᐊᒐᐅᑕᕐᓯᒪᓕᕐᖁᑦ ᐊᒥᓱᓪᓗᐊᖏᑦᑐᓂ ᐊᕐᕌᒍᓂ ᐊᓂᒍᕐᑐᓂᑦ. 2006ᒥᑦ 2011ᒧᑦ, ᓄᓇᓕᕐᓚᒧᕐᑐᑦ ᐃᓄᐃᑦ ᐅᓄᕐᓯᐅᒥᓯᒪᕗᑦ 76%ᓄᑦ, ᑕᑯᓐᓇᓱᒋᑦ 18%ᓗᐊᖏᑦ ᐃᓄᐃᑦ ᐅᑭᐅᕐᑕᑐᒥᐅᑦ ᐃᓄᖁᑎᖏᑦᑕ ᐅᓄᕐᓂᒋᕓᑦ. ᑲᓇᑕᒥ, 27%ᒐᓚᐅᕗᑦ ᐃᓄᐃᑦ ᓄᓇᖓᑕ ᓯᓚᑖᓂ ᓄᓇᓯᒪᔪᑦ ᐊᒻᒪᓗ 20%ᖑᑎᓪᓗᒋᑦ ᓄᓇᕕᒻᒥᐅᑦ ᐃᓄᖏᑦ ᓄᓇᓯᒪᔪᑦ ᓄᓇᕕᐅᑉ ᓯᓚᑖᓂ. ᐅᓄᕐᓂᖏᑦ ᐃᓄᐃᑦ ᓯᕿᓂᖓᓂᒥᐅᑦ ᑯᐯᒃᒥ ᐅᓄᕐᓯᒋᐊᓪᓚᓂᐊᕐᖁᑦ ᐊᕐᕌᒍᒋᓂᐊᕐᑕᑎᓐᓂ.

5. ᖃᓄᖅ ᐃᓄᐃᑦ ᐃᓚᐅᕙᑦ ᖃᐅᔨᓴᕐᓂᒥ?

ᖃᓄᐃᒃᑲᑦ ᓯᕿᓂᕐᒥᐅᑦ? ᓄᓇᓕᒻᒥ ᐃᓚᐅᑎᑦᓯᓂᕐᒧᑦ ᐱᓇᓱᑦᑕᐅᔪᖅ, ᐃᒫᒃ ᑐᑭᓕᒃ ᓄᓇᓕᖓᓂᒥᐅᑦ ᐱᓇᓱᖃᑎᐅᑦᓯᐊᖁᑦ ᐃᓚᐅᑦᓯᐊᓱᑎᑦ ᖃᐅᔨᓴᕐᓂᓕᒫᑉ ᐱᓇᓱᑦᑕᐅᓂᖓᓂ ᑭᖕᖑᒪᒋᓪᓚᕆᑦᑕᖏᓐᓂᑦ ᑎᑭᐅᑎᒐᓱᒧᑦ ᐊᒻᒪᓗ ᖃᓄᐃᑦᑐᑯᓪᓚᕆᓐᓂᖏᓐᓂᑦ ᓄᓇᓕᖓᓂᒥᐅᑦ. ᐱᒋᐊᕐᓂᖓᓂᓂ, ᐱᓇᓱᖃᑎᒌᓯᑦᓴᐅᑎᒋᓚᐅᔪᕗᒍᑦ ᓯᕿᓂᕐᒥᐅᑦ ᑯᐯᒃᒥ ᐃᓄᐃᑦ ᑲᑐᑦᔨᖃᑎᒋᓐᓂᖓᓂᒃ (ᓯᑯᐃᑲ-ᒥᒃ ᓀᓪᓕᑎᕐᓯᒪᔪᖅ ᑌᔭᐅᒍᓯᖓ) ᑖᒃᑯᐊᓗ, ᑭᒡᒐᑐᕐᑎᐅᒪᑕ ᓄᓇᓕᖓᓂᑦ, ᐊᑎᓕᐅᕈᑎᓕᕕᓂᐅᑦᓱᑎᑦ ᑮᓇᐅᔦᓕᕿᒍᑎᒥᒃ ᐃᓚᒋᔭᐅᓪᓚᕆᓂᐊᕐᓂᒥᓄᑦ ᓄᓇᓕᒻᒥ ᖃᐅᔨᓴᕐᓂᒧᑦ. ᓯᑯᐃᑲ-ᑯᑦ ᐱᓇᓱᖃᑎᐅᑦᓯᐊᓯᒪᕗᑦ ᐱᓇᓱᑦᑕᐅᓂᓕᒫᖓᓂ, ᑐᑭᑖᕈᑎᐅᒋᐊᓕᓕᒫᓂᑦ ᖃᐅᔨᒋᐊᕐᕕᐅᓲᖑᕗᑦ.

ᓄᐃᑦᓯᓯᒪᒋᕗᒍᑦ ᓄᓇᓕᒻᒥ ᐃᒫᙰᕐᑎᐅᓂᕐᒧᑦ ᑲᑎᒪᔨᓂᑦ (ᐃᓕᒃᑯᑐᑦ ᐃᓄᐃᑦ) ᑭᒡᒐᑐᓂᐊᕐᑎᓗᒋᑦ ᓄᓇᓕᒻᒥᒃ, ᓄᐃᑦᓯᓗᑎᑦ ᐃᓱᒪᒍᓯᒥᓂᑦ, ᑭᖑᒪᒋᔭᐅᔪᓂᑦ ᐊᐱᕐᓲᑎᓂᓗ ᐊᒻᒪᓗ ᐃᒫᙰᕐᑎᐅᓗᑎᑦ ᐱᓇᓱᑦᑕᐅᓂᓕᒫᖓᓂ, ᓄᐃᑕᐅᒪᒻᒥᔪᑦ ᐳᕐᑐᓂᕐᓴᓂ ᑲᑎᒪᔩᑦ (ᐃᓄᐃᑦ ᑎᒥᖁᑎᖏᑦ) ᐱᓇᓱᑦᑕᐅᔪᖅ ᐃᓗᕐᕈᓯᒥᒃ ᐃᑉᐱᒍᓱᑦᓯᐊᑎᓗᒍ ᑲᒪᒋᐊᕈᓐᓇᓗᑎᓗ ᑭᖕᖑᒪᒋᔭᐅᔪᓂᑦ ᓄᓇᓕᒻᒧᑦ.

ᓄᓇᓕᒻᒧᓕᖓᔪᓂᑦ ᐊᑕᐅᑦᓯᑯᓕᕐᑎᓯᔨᒃ ᐱᓇᓱᑦᑎᑖᕆᔭᐅᓐᓂᕆᕗᖅ ᑐᓴᐅᒪᖃᑎᒌᑦᑎᓯᔨᐅᓂᐊᕐᓗᓂ ᓄᓇᓕᒻᒥᐅᓂᑦ ᖃᐅᔨᓴᕐᑎᓂᓗ, ᐱᕕᓕᒫᖓᒍᑦ, ᐱᓇᓱᑦᑎᖏᑦ ᑖᑦᓱᒥᖓ ᐱᓇᓱᑦᑕᐅᔪᒥ ᐃᓄᑐᐃᓐᓇᐅᓂᐊᕐᖁᑦ. ᑕᑯᒋᐊᕆᑦᓯ ᐊᓪᓚᓯᒪᔭᕗᓐᓂᑦ ᑐᖕᖓᕕᐅᓂᐊᕐᑐᓂᑦ ᑐᑭᓯᒋᐊᕐᓗᓯ.

6. ᖃᓄᓪᓗᐊᑎᒌᓂᐊᕐᖃ ᐱᓇᓱᑦᑕᐅᔪᖅ?

ᑮᓇᐅᔭᕐᑑᑎᑦᓴᑖᕐᓂᖁᑦ ᔪᓓ 2018ᒥ, 4ᓄᑦ ᐊᕐᕌᒍᓄᓕᖓᔪᓂᑦ. ᓂᕆᐅᒋᔭᖃᕐᖁᒍᑦ ᐱᔭᕆᒐᔭᕐᓂᑎᓐᓂᑦ ᐃᓘᓐᓇᓕᒫᖏᓐᓂᑦ ᐱᓇᓱᑦᑕᐅᒋᐊᓕᓐᓂᑦ 2022 ᓈᓂᖓᓂ.

7. ᖃᖓᓂ ᐊᑐᐃᓐᓇᕈᕐᑎᖃᑦ ᐱᓇᓱᑦᑕᐅᔪᑦᓴᒥᒃ ᐱᓇᓱᑦᑎᖏᑦ?

ᖃᐅᔨᓴᕐᑕᐅᓯᐊᕆᐊᖃᕐᓂᖏᓂ ᐊᒥᓱᒐᓚᓐᓂᑦ ᐊᕐᕌᒍᓂ ᐅᖄᔭᐅᓕᕐᑐᒐᓗᐊᖅ, ᐅᖄᒍᑎᖃᓪᓚᕆᓯᓐᓂᖁᑦ ᒪᓐᑐᕆᐊᓪᒥᐅᓄᑦ 2016ᖑᑎᓪᓗᒍ. ᑮᓇᐅᔭᕐᑑᑎᑦᓴᑖᕐᓂᖁᑦ ᓯᕗᓪᓕᖏᓐᓂᑦ ᔪᓓ 2017ᒥ ᐱᕙᓪᓕᐊᑎᑦᓯᒍᑎᑦᓴᓂᑦ ᓄᓇᓕᒻᒧᑦ ᐱᑐᑦᓯᒪᒍᑎᑦᓴᓄᑦ ᓲᖑᓯᐅᒥᒋᐊᕆᓗᑎᓗ ᐱᓇᓱᖃᑎᒌᓐᓂᐅᔪᓂᑦ. ᑮᓇᐅᔭᕐᑑᑎᑦᓴᑖᑦᓴᕋᑕᕐᓂᖁᑦ ᔪᓓ 2018ᒥ, ᑌᑲᖕᖓᓂᓂ, ᐱᓇᓱᖃᑎᖃᖃᑦᑕᖁᒍᑦ ᓄᓇᓕᒻᒥᑦ ᐃᓗᕐᕈᓯᒧᓕᖓᑦᓯᐊᑐᓂᑦ ᐱᓇᓱᑦᑕᐅᔪᑦᓴᓕᐅᕐᓱᑕ ᓄᐃᑕᐅᔪᖅ ᐃᓄᐃᑦ ᑕᑯᑎᑦᔪᑎᖏᓐᓂᑦ ᐃᓗᓯᕐᓱᓯᐊᕐᓂᒥᒃ ᖃᓄᐃᖕᖏᓯᐊᕐᓂᒧᓕᖓᔪᒥᒃ.

8. ᓱᓇᐅᕙᑦ ᐊᑦᔨᒌᖕᖏᑐᑦ ᖃᓄᐃᓗᕈᓯᐅᖃᑦᑕᓂᐊᕐᑐᑦ ᐱᓇᓱᑦᑕᐅᔪᒥ?

ᑖᓐᓇ ᐱᓇᓱᑦᑕᐅᔪᖅ ᓯᑕᒣᓕᖓᕗᖅ ᐊᕐᕌᒍᓂ ᓯᑕᒪᓄᓕᖓᓚᖓᑦᓱᓂ. ᓯᕗᓪᓕᖓᓂ ᐊᐱᕐᓱᑲᑦᑕᖃᑦᑕᓂᐊᕐᑐᑦ, ᐊᒥᓱᐃᓂᑦ ᐊᑦᔨᒌᖕᖏᑐᓂᑦᓗ ᑕᑯᓐᓇᑕᐅᒍᓐᓇᑐᑎᒍᑦ ᐱᓕᐅᕐᓂᑎᒍᓪᓗ ᑐᑭᓯᓕᐅᒥᒍᑎᐅᒐᓱᓪᓗᓂ ᓄᐃᑦᓯᒍᑎᐅᓗᓂ ᐃᓗᓯᕐᓱᓯᐊᕐᓂᒥᒃ ᐃᓄᐃᑦ ᑕᑯᓐᓇᕈᓯᖏᑎᒍᑦ. ᑖᑦᓱᒥᖓ ᐱᓇᓱᑦᑕᐅᔪᑎᒍᑦ ᑐᑭᓕᐅᕈᑎᐅᓂᐊᕐᑐᖅ ᐃᓗᓯᕐᓱᓯᐊᕐᓂᒥᒃ ᐃᓗᕐᕈᓯᒥᒃ ᑐᖕᖓᕕᖃᕐᓱᑎᑦ ᐊᒻᒪᓗ ᐱᐅᓯᐅᒥᑎᒋᐊᓪᓗᒋᑦ ᐊᐱᕐᓲᑎᖏᑦ ᐃᓗᓯᕐᓱᓯᐊᕐᓂᒧᓕᖓᔪᒥᒃ ᖃᓄᐃᖕᖏᓯᐊᕐᓂᒧᓕᖓᔪᒥᓗ, ᐊᐅᓚᑦᓯᒍᓯᐅᓂᐊᕐᓱᓂ ᑐᖓᓕᖓᓂ 2ᒥ. ᓯᕗᓪᓕᒋᓐᓂᑦ ᐱᓇᓱᑦᑕᐅᔪᓂ, ᐊᓪᓚᓯᒪᔪᖕᖑᑎᑦᓯᓂᐊᕐᖁᒍᑦ ᐃᑲᔪᕐᓯᔪᓂᑦ ᐃᓄᐃᑦ ᐃᓗᓯᕐᓱᓯᐊᕐᓂᖏᓐᓂᑦ ᖃᓄᐃᖕᖏᓯᐊᕐᓂᖏᓐᓂᓗ, ᓇᓗᓀᕐᓯᒍᓐᓇᓯᓗᑕ ᓲᖑᔪᒍᑎᐅᔪᓂᑦ ᐃᓄᕐᓴᕈᑎᐅᔪᓂᓗ. ᐊᐱᕐᓲᑎᓂ ᓄᐊᑕᐅᔪᓕᒫᑦ ᕿᒥᕐᕈᔭᐅᓛᕐᖁᑦ ᐱᖓᔪᖓᓂ ᐱᓇᓱᑦᑕᐅᓂᕐᒥ ᓱᓕᑦᓯᐊᒪᖔᑕ ᓱᕐᖁᐃᑕᐅᓗᑎᑦ ᓯᑕᒪᖓᓂ. ᖃᐅᔨᔭᒍᑎᖏᑦ ᑐᓂᔭᐅᓛᕐᕐᖁᑦ ᑐᓴᕐᑎᓯᒍᑎᐅᓗᑎᓗ ᓇᐅᓕᒫᓂᒃ ᐱᓇᓱᑦᑕᐅᑉ ᓈᓂᖓᓂ.

ᐃᓄᑐᓈᕐᑎᑐᓂ ᐊᐱᕐᓱᑲᑦᑕᓂᖅ ᓯᕕᑐᓂᖃᕈᓐᓇᑐᖅ ᑫᕙᓪᓚᒍᓯᓕᒫᒥ ᑫᕙᓪᓚᖑᓯᓄᑦ ᐱᖓᓱᓄᑦ ᐊᐱᕐᓱᑕᐅᑉ ᑭᐅᒍᑎᖏᑦ ᓯᕕᑐᓂᖏᑦ ᐃᑉᐱᒋᑦᓱᒋᑦ.

9. ᓯᕕᑐᓂᖃᕐᖃᑦ ᐊᐱᕐᓱᑲᑦᑕᓂᖅ ᓯᐅᖄᖃᑎᒌᓐᓂᐅᔪᐃᓗ ᐊᒥᓱᐃᖑᑦᓱᑎᑦ?

ᐱᓱᕋᔭᑦᓱᑎᑦ ᐊᐱᕐᓱᓂᐅᔪᑦ ᐊᐱᕐᓱᑕᐅᔪᖅ ᓄᓇᓕᒻᒥᓱᓂ ᓯᕕᑐᓂᖃᕈᓐᓇᑐᖅ ᑫᕙᓪᓚᒍᓯᓕᒫᒥ ᒪᕐᕉᓂᓗᓐᓃᑦ.

ᐊᒥᓱᐃᖑᑦᓱᑎᑦ, ᐊᒥᓱᐃᖑᔪᑦ ᐊᑦᔨᒌᖕᖏᑐᓂᑦ ᐅᖄᒍᑎᖃᕐᐸᑕ, ᓯᕕᑐᓂᖃᕈᓐᓇᑐᖅ ᑫᕙᓪᓚᒍᓯᓂᑦ ᐱᖓᓱᓂᑦ ᑕᓪᓕᒪᓄᑦ.

10. ᓱᓇᐅᕙᑦ ᐊᐱᕐᓱᑲᑦᑕᕈᓰᑦ ᑕᑯᓐᓇᑕᐅᑎᑦᓯᓂᒃᑯᑐᑦ?

ᐊᑦᔨᒌᖕᖏᑐᓂᑦ ᖃᐅᔨᓴᕈᓯᖃᓛᕋᑦᑕ ᑐᑭᓯᑦᓯᐊᓕᐅᒥᒐᓱᓪᓗᑕ ᐃᓗᓯᖏᓐᓂᑦ ᖃᓄᐃᖕᖏᓯᐊᕐᓂᖏᓐᓂᓗ ᐃᓄᓐᓂᑦ ᑯᐯᒃ ᓯᕿᓂᖓᓂᒥᐅᓂᑦ, ᐃᓚᐅᑎᓪᓗᒋᑦ ᐊᑦᔨᖑᐊᑎᒍᑦ ᐅᖄᒍᓯᐅᔪᓂᑦ, ᐃᓚᐅᓂᖅ ᐊᑦᔨᖑᐊᑎᒍᑦ ᑲᑎᒪᖃᑎᒌᑦᓱᑎᑦ ᓄᓇᓕᒻᒥᐅᑦ ᐅᖄᒍᓐᓇᕕᖃᕐᑎᓗᒋᑦ ᓇᒻᒥᓂᕐᒧᓕᖓᒧᓂᑦ ᐊᑑᑎᔭᒥᓂᑦ ᐃᓱᒪᒋᔭᒥᓂᑦ ᐊᑦᔨᖑᐊᑎᒍᑦ. ᐅᓂᒃᑲᐅᓯᓕᐅᕐᓂᖃᓛᕐᒥᔪᑦ, ᐊᑦᔨᓕᐅᕆᓗᑎᑦ ᑕᕐᕋᓕᔮᓕᐅᕐᓗᑎᓗᓐᓃᑦ ᑲᓱᕐᑎᑕᐅᒍᓐᓇᓯᓗᑎᑦ ᑕᕐᕋᓕᔮᓕᐊᕆᔭᐅᓗᑎᑦ ᓀᑦᑐᓗᑎᑦ. ᐊᓯᖏᑦ ᓴᓇᓂᐅᒍᓐᓇᑐᑦ ᐃᓚᐅᑎᑕᐅᒍᓐᓇᒥᔪᑦ. 

 11. ᖃᖓ ᖃᐅᔨᒍᑎᕕᓃᑦ ᐊᑐᐃᓐᓇᐅᓛᕐᖃᑦ?

ᑐᑭᓯᒪᔭᐅᒋᐊᓖᑦ ᐃᓚᖏᓪᓗ ᖃᐅᔨᒍᑎᕕᓃᑦ ᖃᐅᔨᑎᑦᓯᒍᑎᐅᖏᓐᓇᖃᑦᑕᓛᕐᑐᑦ ᓄᓇᓕᒻᒥᐅᓂᑦ ᓱᓕᑦᓯᐊᒪᖔᑕ ᖃᐅᔨᒋᐊᕐᕕᐅᖃᑦᑕᓗᑎᑦ. ᑭᖑᓪᓕᐹᖏᓐᓂᑦ ᖃᐅᔨᒍᑎᕕᓂᕐᓂᑦ ᖃᐅᔨᒪᔭᐅᓛᕈᓇᐅᕗᑦ ᐱᓇᓱᑦᑕᐅᑉ ᓈᓂᖓᓂ 2022ᖑᓕᕐᐸᑦ. ᐃᓱᓕᓂᖓᓂ ᖃᐅᔨᓴᕐᓂᖅ, ᑲᑎᖕᖓᑎᑦᓯᓛᕐᖁᒍᑦ ᓄᓇᓕᒻᒥᐅᓂᑦ ᖃᐅᔨᒍᑎᕕᓃᑦ ᑐᓴᕐᑕᐅᑎᓗᒋᑦ ᓄᓇᓕᒻᒧᑦ.

 12. ᖃᓄᖅ ᖃᐅᔨᒪᑎᑕᐅᖃᑦᑕᓛᕐᕿᑕ ᐱᕙᓪᓕᐊᓂᖏᓐᓂᑦ?

ᓄᐃᑦᓯᓯᒪᕗᒍᑦ ᖃᐅᔨᒪᒍᓯᕐᓂᑦ ᑐᑭᓯᓇᕐᑎᓯᒍᑎᓕᐅᕈᑎᑦᓴᓂᑦ ᐊᑐᕐᓱᑎᑦ ᐊᑦᔨᒌᖕᖏᑐᓂᑦ ᑐᑭᓯᒪᖃᑎᒌᒍᑎᓂᑦ ᑐᓴᕐᑎᓯᒍᑎᖃᕐᓗᑕ ᓄᓇᓕᒻᒥᐅᓂᑦ, ᑐᑭᓯᒪᔭᐅᑎᑦᓯᖃᑦᑕᓛᕐᒥᓱᑕ ᐅᑯᑎᒎᓇ, ᓴᑐᕐᕖᑦ ᐊᒻᒪᓗ ᐊᑦᔨᒌᖕᖏᑐᑎᒍᑦ ᐱᓇᓱᖃᑎᕗᑦᑎᒍᑦ. ᓂᐱᕗᑦ ᓄᓇᓕᒻᒥ ᓈᓚᐅᑎᒃ ᑐᑭᓯᒪᔭᐅᑎᑦᓯᒋᐊᖕᖓᒍᑎᕗᑦ, ᐃᓚᐅᒻᒥᑎᓪᓗᒍ ᑕᕐᕋᓕᔮᕌᐲᑦ ᐃᓅᖃᑎᒌᓄᑦ ᑐᓴᐅᒪᖃᑎᒌᒍᑎᓂ, ᑎᒍᒥᐊᒐᕐᒥ ᐅᖄᓚᐅᑎᑎᒍᑦ ᓄᐃᑕᑎᑕᐅᓲᓂ ᐊᒻᒪᓗ ᐊᐱᕐᓲᑎᓂ ᑭᐅᒍᑎᓂᓗ ᑭᐅᔭᐅᒍᓐᓇᕕᖃᓛᕐᒥᓱᑎᑦ  ᑕᒪᒋᓐᓂ ᓈᓚᐅᑎᒃᑯᑦ ᕓᔅᐳᒃᑯᓗ. ᖃᕆᑕᐅᔭᑎᒍᑦ ᓄᐃᑕᑎᑦᕕᒥ, ᐊᑭᓐᓇᒥᐅᑕᓂ, ᓄᓇᓕᒻᒥᐅᓂᑦ ᑲᑎᖕᖓᑎᑦᓯᓂᕐᓂ ᐃᓚᐅᑎᑦᓯᓂᕐᓗ ᓄᓇᓕᒻᒥ ᓱᒐᑦᓴᖃᕐᑎᓯᓂᒃᑯᑦ ᑐᓴᕐᑎᓯᒍᑎᐅᖃᑦᑕᓛᕐᖁᑦ. ᑭᖑᓪᓕᐹᖓᓂ, ᓱᑯᐃᔦᓂᕐᒧᓕᖓᔪᓂᑦ ᑐᓴᕐᑎᓯᒍᑎᖏᑦ ᐊᓯᖏᓪᓗ ᐊᓪᓚᓯᒪᔪᑦ ᐊᑐᐃᓐᓇᐅᓛᕆᕗᑦ ᓈᓂᖓᓂ ᐱᓇᓱᑦᑕᐅᔫᑉ.

13. ᓱᓇᒧᑦ ᐊᑐᕐᑕᐅᓛᕐᖃ ᖃᐅᔨᒍᑎᕕᓃᑦ?

ᓯᕗᓪᓕᒥ, ᑐᑭᓯᒪᓕᐅᒥᑎᑦᓯᒐᔭᕐᖁᒍᑦ ᐃᓗᓯᖏᓐᓂᑦ ᖃᓄᐃᖕᖏᓯᐊᕐᓂᖓᓄᓕᖓᔪᓂᓗ ᐃᓄᓐᓂᑦ ᓯᕿᓂᖓᓂᒥᐅᓂᑦ ᑯᐯᒃ. ᖃᓄᐃᓕᖓᓪᓗᑐᓂᖏᓐᓂᑦ ᖃᐅᔨᒍᒪᒐᑦᑕ ᐃᓗᓯᖏᓐᓄᓕᖓᔪᓂᑦ ᓄᓇᓕᒻᒥᐅᑦ, ᑐᑭᓯᓗᒋᑦ ᐱᑦᔪᑎᖏᓐᓂᑦ ᓱᕐᕃᔪᐃᑦ ᐃᓗᓯᖏᓐᓂᑦ, ᐊᒻᒪᓗ ᓄᐃᓪᓚᕆᓗᒋᑦ ᖃᓄᐃᑦᑐᑯᕐᓂᖏᑦ, ᐃᓘᓐᓇᖏᓐᓂᓗ ᐃᑉᐱᒋᔭᖃᕐᓗᑕ ᐃᓗᕐᕈᓯᒥᒃ ᐃᑉᐱᒍᓱᑦᓯᐊᓗᑎᑦ.

ᑐᖓᓕᐊᓂ, ᑖᒃᑯᐊ ᓄᐊᑕᕕᓃᑦ ᐊᑐᕐᑕᐅᒐᔭᕐᑐᑦ ᑐᖕᖓᕕᐅᓗᑎᑦ ᐱᕙᓪᓕᐊᑎᑦᓯᒍᑎᐅᓗᑎᑦ ᖃᓄᐃᓗᕈᑎᑦᓴᒥᒃ ᐸᕐᓀᕈᑎᒥᒃ ᐱᖁᔭᓕᐅᕈᑎᐅᓗᑎᑦ, ᐱᒍᑦᔨᒍᑎᓂᑦ ᐊᒻᒪᓗ ᐱᓇᓱᑦᑕᐅᔪᑦᓴᓂᑦ ᐱᐅᓯᐅᒥᒋᐊᕈᑎᑦᓴᖏᓐᓂᑦ ᐃᓗᓯᖏᓐᓂᑦ ᖃᓄᐃᖕᖏᓯᐊᕐᓂᖏᓐᓂᓗ ᓄᓇᓕᒻᒥᐅᑦ ᐱᒍᑦᔨᔭᐅᓗᑎᓗ ᑖᒃᑯᓄᖓᓄᓕᖓᔪᓂᑦ. ᑭᖑᓪᓕᐹᖓᓂ, ᐱᒍᓐᓇᓯᓕᐅᒥᑎᑦᓯᒍᒪᕗᒍᑦ ᓄᓇᓕᒻᒥᒃ ᐊᒥᓱᓂᑦ ᐱᕕᑦᓴᖃᕐᑎᓯᓂᒃᑯᑦ ᐃᓚᐅᔪᓂᑦ, ᐃᓕᓐᓂᐊᓂᕐᒧᑦ ᐱᓇᓱᒐᖃᕐᓂᒧᓗ.

14.  ᓇᓪᓕᖏᓐᓂᑦ ᐅᖃᐅᓯᕐᓂ ᐅᖄᖃᑦᑕᓛᕐᖃᑦ?

ᐃᓄᒃᑎᑐᑦ (ᐊᒥᓱᐃᖑᔪᑦ ᐅᖃᐅᓯᕐᓂ ᐊᑦᔨᒋᖕᖏᓂᓕᓐᓂ), ᖃᓪᓗᓈᑎᑐᑦ ᒍᐃᒍᐃᑎᑐᓗ ᐅᖄᒍᓯᐅᖃᑦᑕᓛᕐᖁᑦ ᐱᓇᓱᑦᑕᐅᓂᓕᒫᒥ. ᐃᓄᒃᑎᑐᓕᕐᑎᓯᔩᑦ ᐊᑐᐃᓐᓇᐅᖃᑦᑕᓛᕐᖁᑦ ᐅᖄᒍᓐᓇᖁᓗᑎᑦ ᐅᖃᐅᓯᕐᒥ ᐅᖄᒍᑎᒋᒍᒪᔦᓂ.

15. ᐅᖄᔭᒃᑲ ᓇᐅᓕᒫᓄᑦ ᐅᖃᔭᐅᑎᐅᓂᐊᖕᖏᓚᑦ?

ᐋᐊ. ᐱᓇᓱᑦᑕᕗᑦ ᐊᖏᕐᑕᐅᒪᕗᖅ ᐱᑦᓯᐊᕋᓗᐊᕐᒪᖔᑕ ᐃᑉᐱᒍᓱᑦᑎᓄᑦ ᑲᑎᖕᖓᔨᖏᓐᓂᑦ ᖃᐅᔨᓴᕐᑐᓕᕆᓂᕐᒥ ᐃᓕᓐᓂᐊᕕᕐᔪᐊᖓᓂ ᓚᕚᓪ (# 218–258), ᑲᔪᓯᑎᑦᓯᔪᑦᓴᔦᑦ ᖃᐅᔨᓴᕐᓂᓂ ᐱᓇᓱᑦᑕᐅᔪᓕᒫᓂᑦ ᐃᓄᓐᓄᓕᖓᔪᓂᒃ ᓇᐅᓕᒫᓄᑦ ᐅᖃᔭᐅᑎᐅᒋᐊᖃᖕᖏᑐᓂᑦ ᐅᖃᔭᐅᑎᐅᑎᑦᓯᑌᓕᔨᒃᑯᑦ. ᐊᖏᕐᑐᕕᓂᐅᑉᐸᑦ ᐊᐱᕐᓱᑕᐅᔪᖅ ᓂᐱᓕᐅᕐᑕᐅᒍᒪᓂᕐᒥᓂᒃ, ᑭᓯᑦᓯᒍᑎᓂᑦ ᐊᓪᓚᕕᐅᓛᕐᖁᑦ ᐅᖄᒋᐊᓯᓚᐅᕋᑎᒃ ᑭᓇᐅᓂᖓᓂᒃ ᐊᓪᓚᑕᐅᒋᒃᑯᑎᑦᓴᖓᓂᒃ ᓂᐱᓕᐊᕕᓂᕐᒥ. ᓄᐊᑕᐅᔪᓕᒫᑦ ᑭᓇᐅᓂᖏᓐᓄᓕᖓᔪᑦ ᐅᖃᔭᐅᑎᐅᓂᐊᖕᖏᓚᑦ ᐊᑎᖏᑦ ᐊᐱᕐᓱᑕᕕᓃᑦ ᐊᓪᓚᑕᐅᒪᓛᖕᖏᓚᑦ ᑐᓴᕐᑎᓯᒍᑎᓕᐊᖑᔪᓂ ᓇᓪᓕᑐᐃᓐᓇᖏᓐᓂᑦ ᐊᒻᒪᓗ ᑭᓇᐅᓂᖏᑦ ᓇᓗᓀᕐᑕᐅᖃᑦᑕᓛᖕᖏᓚᑦ ᕿᒥᕐᕈᔭᐅᓂᖏᓐᓂᑦ. ᖃᐅᔨᓴᓚᐅᕐᑎᓇᒋᑦ, ᐊᐱᕐᓱᑕᐅᔪᖅ ᐊᑐᐊᕐᓯᓯᒪᒋᐊᖃᓛᕐᑐᖅ ᐊᖏᕈᑎᒥᒃ ᑕᑕᕐᓴᒐᕐᒥᒃ, ᐊᓪᓚᓯᒪᔪᑦ ᐅᖃᔭᐅᑎᐅᒋᐊᖃᖕᖏᑐᒧᓕᖓᔪᑦ ᑐᑭᓯᓇᕐᑎᑕᐅᑦᓯᐊᓱᑎᑦ, ᐊᖏᕐᓯᒪᒋᐊᖃᓛᕐᓱᑎᓗ ᐊᐱᕐᓱᑕᐅᒍᒪᓂᕐᒥᓂᒃ. ᐸᑦᔭᓘᑎᔪᖃᕐᐸᑦ ᐊᐱᕐᓱᑕᐅᔪᕐᓗᓃᑦ ᐅᓐᓂᓘᑎᑦᓴᖃᕐᐸᑦ ᓈᒻᒪᓴᖕᖏᐸᓗᓐᓃᑦ, ᐅᖄᕕᖃᕈᓐᓇᑐᖅ ᐊᓪᓚᕕᖓᓂ ᐅᓐᓂᓘᒪᕕᐅᑉ ᓚᕚᓪ ᐃᓕᓐᓂᐊᕕᕐᔪᐊᖓᓂ ᐅᕙᓂ 1-866-323-2271 ᐅᕝᕙᓗᓐᓃᑦ info@ombudsman.ulaval.ca

 16. ᑭᓇᒃᑯᑦ ᐱᓇᓱᑦᑐᑦ ᑖᑦᓱᒥᖓ ᐱᓇᓱᑦᑕᐅᔪᒥ?

ᐱᓇᓱᑦᑎᕗᑦᑕ ᑭᓇᐅᓂᖏᑦ ᑕᑯᔭᐅᒍᓐᓇᖁᑦ ᑕᑯᓂᐊᕐᓗᒍ ᐅᓇ « ᐱᓇᓱᑦᑏᑦ ».

17. ᑭᓇᒃᑯᑦᓴᐳᑦᔨᕙᑦᖃᐅᔨᓴᕐᓂᒥᒃ?

ᐱᓇᓱᑦᑕᐅᔪᖅ ᓴᐳᑦᔭᐅᕗᖅ ᓯᕿᓂᕐᒥᐅᑦ ᑯᐯᒃᒥ ᐃᓄᐃᑦ ᑲᑐᑦᔨᖃᑎᒌᑦᓂᖓᓄᑦ, , ᒪᑭᕝᕕᒃ, ᐃᕕᕐᑎᕕᒃ, ᓈᓚᐅᑎᒃ ᓂᐱᕗᑦ ᐊᒻᒪᓗ ᓴᑐᕐᕖᑦ, ᐃᓄᐃᑦ ᐊᕐᓀᑦ ᑲᑐᑦᔨᖃᑎᒌᑦᑐᑦ ᓄᓇᕕᒻᒥ, ᐱᖑᑦᔨᕕᖓ ᑯᐯᒃᒥ ᐃᓗᓯᓕᕆᓂᕐᒥ ᐊᒻᒪᓗ ᑐᕐᖃᑕᕐᕕᖓ ᐃᓗᓯᓕᕆᓂᕐᒥ ᐃᓄᓕᕆᓂᕐᒥᓗ, ᒪᓐᑐᕆᐊᓪ ᓄᓇᓕᖓᓂ ᑎᒥᐅᔪᑦ Open Door, Native Friendship Centre ᐊᒻᒪᓗ Project Autochtones du Quebec ᓴᐳᑦᔨᓱᑎᑦ ᐱᓇᓱᑦᑕᕗᓐᓂᑦ ᐱᓇᓱᖃᑎᑦᓯᐊᖑᖃᑦᑕᓱᑎᓗ.

18. ᐃᑲᔪᕐᓯᔭᐅᒍᑎᖃᕐᖄᑦ?

ᑮᓇᐅᔭᕐᑖᑎᑕᐅᖃᑦᑕᓛᕐᑐᑦ ᐊᑐᓂ ᐊᐱᕐᓱᑕᐅᔪᑦ ᐊᐱᕐᓱᑕᐅᓂᕐᒥᓄᑦ. ᐅᓇᒋᐊᓪᓚᓗ, ᐅᖄᒍᑎᖃᕐᓂᖅ ᑐᑭᓯᒪᔭᐅᑎᑦᓯᓂᕐᓗ ᖃᐅᔨᒪᒍᓯᕐᓂ ᓄᓇᓕᓐᓄᓕᖓᔪᓂᑦ, ᐱᓀᓗᑕᐅᔪᓂᑦ ᑭᖕᖑᒪᒋᔭᐅᔪᓂᓗ ᓄᐃᑦᓯᒍᑎᐅᓂᐊᕐᖁᑦ ᓄᓇᓕᒻᒥ ᐱᓯᒪᔪᓂᑦ ᖃᐅᔨᓴᕈᑎᓂᑦ ᐃᑲᔪᕐᓯᒍᑎᑦᓴᓂᑦ. ᑕᒐ, ᐃᑲᔪᕐᓯᓂᐊᕐᖁᑎᑦ ᐃᓗᕐᕈᓯᑎᒍᑦ ᓈᒻᒪᓈᕐᑐᑎᒍᑦ ᑐᑭᖃᑦᓯᐊᑐᓂᓗ ᖃᐅᔨᒍᑎᖃᕐᓂᑯᑦ ᐱᕙᓪᓕᐊᑎᑕᐅᔪᑦᓴᓂᑦ ᓈᒻᒪᓈᕐᑐᓂᑦ ᐋᕐᕿᒋᐊᕐᓯᒪᔪᓂᓗ ᐱᒍᑦᔨᒍᑎᓂᑦ ᓄᓇᓕᓐᓂ.

 19. ᐃᓚᐅᒍᒪᒍᒪ, ᐱᓇᓱᖃᑎᐅᒍᒪᒍᒪᑦ, ᐊᐱᕐᓲᑎᑦᓴᖃᕋᒪᓗᓐᓃᑦ, ᖃᓄᐃᓗᕈᓐᓇᖁᖓ?

ᐊᓪᓚᕕᖃᕆᑦᓯ ᖃᕆᑕᐅᔭᑎᒍᑦ, ᐊᓪᓚᕕᖃᕐᓗᓯᓗᓐᓃᑦ ᕓᔅᐳᒃᑎᒍᑦ ᐊᓪᓚᖃᑎᒌᕝᕕᖓᑎᒍᑦ. ᐅᖄᕕᖃᕈᓐᓇᒥᑦᓱᑎᑦ ᓇᓪᓕᑐᐃᓐᓇᖏᓐᓂᑦ ᐱᓇᓱᑦᑐᓂᑦ ᓄᓇᓕᒻᒥ ᓂᕆᒻᒫᓂᖃᓕᕐᐸᑕ ᓄᓇᓕᒻᒥᓗᓐᓃᑦ ᓱᒐᑦᓴᖃᕐᑎᓯᓕᕐᐸᑕ.